Els vulan che persunas omosexualas, divorziadas e dunnas na vegnian betg pli exclusas en l’avegnir. E la baselgia duai daventar pli sinodala. Quai scrivan ils uvestgs svizzers en lur rapport final davart l’enquista cun las cartentas ed ils cartents.
Questa consultaziun ha mussà ch’ils catolics e las catolicas da la Svizra tudestga èn ils pli progressivs ed innovativs. Era dat en egl che blers pensan che la baselgia excludia las dunnas, divorziads e queers. Ils Svizzers e las Svizras han inditgà ch’els veglian ina refurma.
Cun quella basa ha la conferenza dals uvestgs formulà in rapport cun giavischs ed animaziuns, e tramess al Vatican. Là ha lieu l’october 2023 la sinoda d’uvestgs, che discuta las inoltraziuns da l’entir mund.