En Svizra è il dumber da persunas dependentas da dar gieus s’augmentà marcantamain. Il 2020 sajan passa 10'000 novs scumonds da giugar en casinos vegnids ordinads. En media dals ultims onns sajan quai adina stads enturn 400 scumonds, scriva la «NZZ am Sonntag». La fin da l’onn passà sajan 72'322 persunas stadas pertutgadas d’in tal scumond. Tranter auter haja l’avertura da trais novs casinos online contribuì a quest trend, ha ditg la pledadra da la Cumissiun federala da gieus, Marjorie Perusset.
Tenor rapport fan ils casinos en Svizra mintg’onn ina svieuta da radund 650 milliuns francs. Per lottarias e scumessas da sport dattan ils giugaders or bunamain ina milliarda francs.
