Siglir tar il cuntegn

Header

cuntegn

Svizra Gieus olimpics 2026: Vallais appelescha a la solidaritad

Areguard custs da segirtad per ils gieus olimpics dal 2026 appellescha il chantun Vallais a la solidaritad dals auters chantuns.

Tuttina sco dal campiunadi europeic da ballape dal 2008 duain ils custs da segirezza vegnir repartids sin tut ils chantuns e betg mo sin ils tschintg chantuns Vallais, Vad, Berna, Friburg e Grischun, nua che las occurrenzas duain avair lieu. Quai ha il directur da finanzas vallesan, Roberto Schmid, ditg avant las medias a Sitten.

Repartiziun dals custs per l'infrastructura

Per infrastructura nova per ils gieus olimpics vul il Vallais impunder maximal 60 milliuns francs. Tar las investiziuns principalas tutga la sanaziun dal center da temp liber a Fiesch per 20 milliuns francs. Quel duai servir sco alloschi per ils atlets. Anc avert è cun quant ch'il chantun Vallais sa participescha als custs da segirtad da var 303 milliuns francs.

Suenter la reducziun da la contribuziun federala restan anc 174 milliuns francs a disfavur dals chantuns. Per questa summa ha il directur da segirtad, Frédéric Favre, fatg in appel da sustegn als auters chantuns.

RR novitads 14:00

Artitgels legids il pli savens