Siglir tar il cuntegn

Header

In purtet dad in handout che illustrescha l'idea da la expediziun27.
Legenda: L'Expo duai star sut il motto Expediziun27 - tar ils 3 chantuns Appenzell Dadora, Son Gagl e Turgovia e l'idea da l'expo gia progredida. mad visulaisaziun da concept 'Expedition27'
cuntegn

Svizra Gieus olimpics ed EXPO en quasi la medema regiun svizra

3 chantuns da la Svizra orientala, Appenzell Dadora, Son Gagl e Turgovia vulan far in'exposiziun naziunala l'onn 2027 al Lai da Constanza. Il Grischun vul candidar per ils gieus olimpics d’enviern 2026. En Chasa federala na para quai dentant betg da vegnir vesi sco grond problem.

Gia avant 8 onns è l'idea per in’exposiziun naziunala en la Svizra orientala naschida. Dapi lura hajan ins gia mess in pau en moviment, di Carmen Haag, cussegliera guvernativa da la Turgovia e presidenta da la giunta per in'EXPO 2027. Las preparaziuns sajan gia avanzadas, ha Haag ditg envers il schurnal regiunal dad SRF. Il project saja uschè lunsch ch'ins possia dar ora ils proxims onns plirs milliuns francs per planisar l'exposiziun.

Appenzell Dador ha gia approvà in credit ed il zercladur voteschan lura era ils suverans da Son Gagl e da la Turgovia davart credits da 5 respectivamain 3 milliuns francs.

Ord vista da la Svizra orientala è l'EXPO 2027 gia daditg lantschada entant ch'ils promoturs da gieus olimpics èn plitost anc a la partenza.

Betg ruassar

Ruassar ora na possian ils promoturs da l'exposiziun naziunala dentant betg. Fin ch’i na dat nagin project concret per in' EXPO saja il sustegn dal Cussegl federal mo provisoric e betg dapli.

Vitiers vegn ch'il Cussegl federal sto probabel era s'occupar cun ina dumonda da sustegn per gieus olimpics, forsa era en il Grischun. Dus eveniments gronds en l’ost e sidost da la Svizra saja politicamain strusch probabel, quai ha ditg il minister da sport federal, Guy Parmelin la sonda passada a Cuira.

Ses pledader, Renato Kalbermatten, ha precisà oz envers il schurnal regiunal dad SRF ch’i saja en emprima lingia ina dumonda finanziala. La vischinanza geografica gioghia mo ina pitschna rolla.

Cler è dentant era che l'idea da gieus olimpics en Svizra plascha al cusseglier federal Guy Parmelin.

Artitgels legids il pli savens

Scrollar a sanestra Scrollar a dretga