Sche la Confederaziun sustegn gieus olimpics a moda finanziala, na duain votantas e votantas betg stuair decider surlonder. Quai ha il Cussegl dals chantuns decis oz.
Cun 27 cunter 9 vuschs ha la chombra pitschna detg na all'iniziativa parlamentara da l'anteriura cussegliera naziunala Silva Semadeni da la PS. Uschia che la lescha per la promoziun dal sport vegn buc midada. La cumissun d'economia dal Cussegl dils stans haja examinià l'iniaziativa e manegià che eveniments gronds sajan per gronda part chaussa dals chantuns e betg da la Confederaziun. La minoritad ch'era per l'iniziativa, ha argumentà che eveniments gronds sco gieus olimpics sajan savens uschè gronds che plirs chantuns sajan pertutgads. Plinavant hajan talas occurrenzas ina grond'influenza sin las finanzas da la Confederaziun. Suenter il Na dal Cussegl dals stans è l'iniziativa giud maisa. Il Cussegl naziunal haveva anc sustenì il giavisch da la PS.
