Siglir tar il cuntegn
Inhalt

Svizra Gilbert Facchinetti è mort

Gilbert Fachinetti, l'anteriur president da Neuchâtel Xamax è mort. Fachinetti è mort suenter lunga malsogna en la vegliadetgna dad 82 onns.

Purtret da Gilbert Fachinetti.
Legenda: Il 2003, suenter 24 onns en uffizi, ha Gilbert Fachinetti surdà il presidi da Neuchâtel Xamax ad Alain Pedretti. Keystone

Gilbert Fachinetti è era vegnì numnà «Mister Xamax». 24 onns ha l'interprendider da fabrica dirigì il club ch'è creschì sut sia batgetta tar la meglra equipa da ballape en Svizra. Grazia a ses carisma sco era a ses maun fin per il persunal ha Xamax pudì festegiar durant ils onns 80 dus titels da campiun Svizzer.

Neuchâtel Xamax d'era durant quels onns era il meglier ambassadur da ballape svizzer sin livel europeic. Xamax ha lura per exempel gudagnà cunter Real Madrid u er cunter Bayern München.

L'onn 2003, suenter 24 onns en uffizi, ha Gilbert Fachinetti surdà il presidi da Neuchâtel Xamax ad Alain Pedretti. El sez è vegnì nominà sco president d'onur.

RR novitad 12:00