Siglir tar il cuntegn

Header

Navigaziun

Purtret dal Giruno.
Legenda: Il «Giruno» po charrar cun fin 250 km/h tras il Gottard. Keystone
cuntegn

Svizra «Giruno» ha survegnì permiss da manaschi

Il tren dal tip «Giruno» cursescha proximamain sin il traject dal Gottard. L'uffizi federal per traffic ha dà la lubientscha per il tren supersvelt.

Las Viafiers federalas vulan introducir il «Giruno» gia l'entschatta da la stad sin il traject dal Gottard. Quai communitgescha il constructur svizzer, Stadler Rail. Il tren po cursar l'entschatta cun ina spertadad da 200 km/h. Pussaivel èn fin 250 km/h.

Avant tschintg onns ha l'SBB dà a Stadler Rail l'incumbensa per il tren supersvelt. Quai per pudair ademplir la dumonda che crescha sin la transversala da las Alps. Il tren è vegnì preschentà l'emprima giada ils 2016 a la publicitad. Dapi l'avrigl 2017 hai dà plirs 100 viadis da test cun il tren, quai en ils pajais ch'el duai suenter charrar – la Svizra, l'Italia, la Germania e l'Austria.

RR novitads 15:00