Las festivitads per il giubileum da 40 onns dal chantun Giura han lieu senza la delegaziun bernaisa. Il cusseglier guvernativ da Berna, Pierre Alain Schnegg, ha ditg a l'agentura da novitads Keystone-SDA che la regenza e la polizia dal Giura na possian betg garantir la segirezza. Commentar la sditga a curta visita n'ha el betg vulì. Schnegg è Giurassian bernais e maina la delegaziun bernaisa davart il Giura.
La sditga dal viadi ha era Hannes Zaugg-Graf, president Cussegl grond dal chantun Berna, rapportà. La delegaziun bernaisa saja tschintg minutas avant da partir vegnida supplitgada da prender part a las festivitads a Saignelégier perquai ch'els na possian betg garantir la segirtad. Zaugg ha perquai gratulà al chantun Giura via Twitter.
En il rom da sias festivitads ha il chantun Giura planisà dumengia in act festiv a Saignelégier. Per il Cussegl federal fa part Alain Berset.
RR novitads 11:00