Siglir tar il cuntegn
Inhalt

Svizra Giura vul scriver or tuttas lingias d'AutoDaPosta

Suenter il scandal da l'AutoDaPosta SA ha il chantun Giura decidì da scriver ora tuttas 38 lingias da bus. Quai rapporta la «SonntagsZeitung». Er il Grischun ponderescha pass sumegliants.

AutoDaPosta en Giura.
Legenda: En il futur pudessan er auters purschiders circular sin las lingias da traffic public en il chantun Giura. Keystone

Il manader dal uffizi da traffic dal Giura ha declerà ch’ins na saja betg cuntents cun la qualitad ed ils custs da la purschida da l’AutoDaPosta. El renfatscha a la fatschenta da na betg esser avunda transparenta e da na betg sustegnair avunda projects.

Er Grischun ponderescha pass sumegliants

Tenor il rapport fetschian er auters chantuns il patratg davart il monopol da l’AutoDaPosta SA. In da quels chantuns er il chantun Grischun ch'ha las pli bleras lingias da posta en Svizra. Er il Grischun intercureschia il purschider e na sclauda betg da scriver or in part da las lingias da traffic public. Sco Erich Büsser dal departament per energia e traffic dal chantun Grischun vegn cità en la «SonntagsZeitung» sajan ins vid far in test da Benchmark, per pudair cumparegliar meglier l'AutoDaPosta cun auters purschiders da transport.

RR novitads 06:00