Siglir tar il cuntegn
cuntegn

Svizra Giurist cun umor

Gion Pieder Casaulta viva a Son Gagl, lavura sco giurist ed ha 62 onns. El è in um cun bler umor ed in hobi tuttafatg spezial. El gioga karaoke da powerpoint.

Gion Pieder Casaulta, il giurist cun talent d'improvisaziun e blera fantasia.
Legenda: Gion Pieder Casaulta, il giurist cun talent d'improvisaziun e blera fantasia. Keystone

Karaoke da powerpoint é in gieu d’improvisaziun. Durant il gieu vegn preschentà in tema cun agid da folias da power point ch’ins n’enconuscha betg oravant.

Il pli bler applaus vala

A Son Gagl datti concurrenzas da karaoke da powerpoint. A la concurrenza pon participar 8 persunas che cumbattan in cunter l’auter cun improvisar e blera fantasia. Las prestaziuns dals participants vegnan mesiradas cun l’applaus dals aspectaturs e cun puncts d’ina giuria. La finamira da l’eveniment n’è en emprima lingia betg da gudagnar, mabain da divertir ils aspectaturs.