Siglir tar il cuntegn

Header

cuntegn

Svizra Giustia ha da s’occupar cun sistem electoral grischun

Gia avant las proximas elecziuns en il Grischun il zercladur 2018 ha la giustia da s'occupar cun il sistem d'elecziun. Pliras burgaisas e burgais sco era pliras partidas han inoltrà in recurs a la Dretgira administrativa ed al Tribunal federal.

En tut han 54 burgaisas e burgais sco er tschintg partidas inoltrà tant a la Dretgira administrativa grischuna sco er al Tribunal federal in recurs cunter il modus d'elecziun. Ils recurrents vegnan represchentads dal professer emerità per il dretg public, Andreas Auer. Punct central dal recurs è, ch'i duai vegnir examinà sch'il sistem da maiorz en ils 39 circuls d'elecziun saja confurm a la Constituziun.

Critica envers quota da vuschs

Ina dals centrals puncts da critica è la quota da vuschs. Uschia dovra quai en il circul electoral d’Avers circa 70 vuschs per in mandat sco deputà en il Cussegl grond, en il circul da Cuira dovra quai dentant dapli che milli vuschs. Dasper il chantun Grischun elegia sulet il chantun Appenzell Dadens anc cun il sistem dal maiorz.

Dapi decennis dispitaivel

Il sistem da maiorz grischun è dapi decennis dispitaivel. Dapi il 1937 èn otg models d’elecziun da proporz vegnids proponids a la populaziun. In suletta giada il 2003 han ils aderents dal proporz gudagnà. La votaziun ha suenter ina supplementara dumbraziun stuì vegnir repetida ed è alura ida en favur dals aderents dal maiorz.

RR novitads 17:00

Artitgels legids il pli savens