Tge che pertutga la politica dal clima han giuvenils posiziuns arbitrarias.
Quai mussa ina retschertga da l’institut gfs berna ch'il Blick ha publitgà.
D'ina vart èn 69% da l'opiniun ch'ils umans stoppian agir immediat per franar il stgaudament climatic e 65% pretendan mesiras radicalas da la politica. Da l'auter maun refusan circa tuttina blers (66%) mesiras concretas, sco scumonds da motors da diesel u benzin. Sch'i va per l'agen cumportament lu è er be ina minoritad pronta da desister, per exempel da sgular u da magliar charn.
Retschertga online
Venderdi vulan sin l'entir mund milliuns giuvenils ir sin via per la protecziun dal clima. Cun 70% sustegna la grond part dals giuvenils la chauma. L'activista Greta Thunberg, che ha inizià la gronda chauma, na vegn betg guardada sco idol. 53% dals giuvenils pensan ch'ella vegn surstimada.
Per la retschertga ha gfs berna dumandà 2'000 giuvenils tranter 15 e 25 onns. La retschertga è vegnida fatga online tranter il 1. ed 8 da mars.
RR novitads 07:00
