Siglir tar il cuntegn
Inhalt

Svizra Giuvenils pon a la fin da la professiun exequir tut las lavurs

Per pudair far lavurs privlusas en lur professiun na ston giuvenils en futur betg pli esser maiorens.

Giuven scrinari vid la lavur.
Legenda: La veglidetgna duai esser nagin obstachel pli per exequir lavurs privlusas. Keystone

Il Cussegl federal ha decidì che giuvenils ch'han terminà l'emprendissadi pon en futur exequir lavur privlusas en lur professiun, er sch'els n'èn anc betg 18 onns. Quai perquai ch'adina dapli giuvenils termineschan lur scola obligatorica pli baud ed n'èn uschia a la fin da lur emprendissadi anc betg maiorens.

Cun questa midada da l'ordinaziun vulan ins uschia eliminar l'obstachel che tals giuvenils ston lura spetgar enfin ch'els èn maiorens per pudair accumplir tut ils pensums da lur professiun.

RR novitads 11:00