Siglir tar il cuntegn

Svizra Giuvenils s'interesseschan per politica

Las giuvnas ed ils giuvens svizzers s'interesseschan per la politica. Dus terz dals giuvenils da 18 onns quintan d'ir a votar quest atun. Quai resulta or d’ina retschertga che la Cumissiun federala per l'uffanza e la giuventetgna (EKKJ) ha manà tras.

Giuvenils tar la Sessiun dals giuvenils.
Legenda: Era giuvenils da 18 onns vulan sa participar al process democratic. Keystone

Tenor la retschertga s’interesseschia mintga segund giuvenil en general per politica. 74% èn persuenter che temas actuals vegnian discutads en scola, constatescha la EKKJ.

L’interess per temas politics è tar ils giuvens però pli gronds che tar las giuvnas. Plinavant èn giuvens da 18 onns da l’opiniun d’esser pli cumpetents che giuvnas da la medema vegliadetgna.

RR novitads 14:00