- En tut èn vegnids fatgs dapli che 7’200 cumpras da test l’onn passà.
- En 28,7% da quests tests èsi reussì als giuvenils da cumprar alcohol.
- En cumparegliaziun cun l’onn passà èn quai dentant pli paucs cas.
Il pli simpel per giuvenils era da cumprar alcohol ad occurrenzas pli grondas. Quai hajan 44% dals giuvenils ch’han fatg cumpras da test survegnì bavrondas d’alcohol. En bars era la quota in zic pli bassa cun 38%, en restaurants 31%. Il pli bass è la quota en las stizuns da tancadi nua che 13,7% dals giuvenils han pudì cumprar bavrondas alcoholicas.
Per uffants saja la cumpra d’alcohol quasi betg pussaivla. Uschia hajan uffants da 13 onns en 6% dals cas pudì cumprar alcohol, tar giuvenils da 17 onns è questa quota quatter giadas pli auta.
RR novitads 12:00