Siglir tar il cuntegn
Inhalt

Svizra Giuvens e dunnas han refusà refurma da rentas

Persunas pli giuvnas e dunnas han ditg na a la refurma da las rentas, quai mussan las retschertgas fatgas da Tamedia suenter la votaziun da la dumengia passada. E sco gia pliras giadas sa mussa era questa giada in foss tranter las citads e las regiuns champestras.

Las dunnas ed ils giuvenils han refusà la refurma da rentas 2020.
Legenda: Las dunnas ed ils giuvenils han refusà la refurma da rentas 2020. Keystone

Sulet 42% da las dunnas han ditg gea a la refurma da las rentas 2020. Sco quai che la retschertga da la chasa editura Tamedia mussa fissan omaduas fatschentas, la refurma da rentas 2020 e la finanziaziun cun ina pli auta taglia sin plivalur, vegnidas approvadas sche sulet umens avess giu da votar la dumengia passada. Sco quai ch'ils experts scrivan saja la differenza tranter las schlattainas surtut da vesair sco protest da la dunnas cunter il auzament da la vegliadetgna da pensiun per las dunnas.

Era giuvenils han refusà la refurma

Sulet 43% dals giuvenils tranter 18 e 34 onns han approvà la refurma da rentas e la finanziaziun tras la taglia sin la plivalur. Persunas ch’èn sur 50 onns han sustegnì la refurma cun 53%. Era sa mussa in foss tranter las regiuns champestras e las citads. Las citads avess approvà la refurma, han las regiuns champestras han però refusà ella. Per l'enquista èn vegnidas dumandadas 10’050 persunas.

RR novitads 06:30