A la dieta dad «easyvote» è vegnì discutà davart l'influenza da las medias sin la giuventetgna e lur problems da fidanza en quellas.
Per sa furmar in opiniun saja quai impurtant ch'ins hajan diversas medias che mussian divers aspects dad ina tematica. Dentant il pli impurtant saja quai dad esser attent envers infurmaziuns, plitost sin las medias socialas. Ins duai adina esser conscient, da nua che l’infurmaziun vegn e la metter al lieu. Era saja impurtant che la scola, ma era ils geniturs, mussan als giuvens, co ch'ins sto ir enturn cun infurmaziuns.
Tar temas politics sa fidan ils giuvenils il pli pauc da schurnalists. La fidanza en schurnalists è tar 17% entant che quella en il Cussegl federal è tar passa 50%.