Siglir tar il cuntegn
Inhalt

Svizra Giuvens purs han fadia da chattar in bain puril

Giuvens purs diplomads han fadia da chttar in bain per surpigliar e quai malgrà ch'i dat mintg'onn blers purs che datta si lur manaschi.

Pur giuven che metta a lieu brentas da latg.
Legenda: Giuvens purs diplomads han grev da chattar in manaschi per surpigliar. Keystone

Quai è la bilantscha da l'uniun dals purs pitschens. A la muria da bains purils stettian paradoxamain ina gronda dumonda suenter manaschis purils visavi.

Actualmain sajan bun 60 purs a la tscherga d'in bain en il pool dal post da consultaziun dals purs pitschens. Da l'autra vart dettia mo 10 purs che veglian vender u dar a fittanza lur manaschi ordaifer la famiglia. Cunzunt aspects finanzials e giuridics engravieschien ina surdada dal manaschi ordaifer la famiglia. Plinavant veglian purs che dettian si lur manaschi per motivs da vegliadetgna, savens er star vinavant en lur chasas, uschia ch'i saja grev da surpigliar il manaschi.

Il post da consultaziun dals purs pitschens vul perquai lantschar a partir da l'emna proxima ina campagna da sensiblisaziun.

RR novitads 14:00