Siglir tar il cuntegn

Header

cuntegn

Giuventetgna svizra Squitsch psichic e consum excessiv d'alcohol creschan

La giuventetgna svizra è per la pli gronda part cuntenta cun sia vita. Quai resulta da la retschertga naziunala «young adult survey» ch'ils auturs han preschentà oz a Berna. Suitsch psichic e consum excessiv d'alcohol èn creschids.

Trais quarts da las persunas giuvnas dumandadas sa mussan cuntentas cun lur vita. Quai saja in resultat allegraivel, din ils auturs dal studi. Tuttina sa mussia ch'il squitsch psichic creschì ils ultims 10 onns. Plinavant saja il dumber da persunas giuvnas ch'han da cumbatter cun patratgs da suicidi creschì ils davos onns. Tar la retschertga actuala che sa basa sin datas d'avant la pandemia han 20% da las participantas e dals participants inditgà da gia avair pensà da far fin a lur vita. Il 2014 eran quai anc 11% – pia gnanc la mesadad. In motiv perquai sajan problems en scola u emprendissadi, sco era nauschas perspectivas professiunalas, concludan ils experts.

Dapli consum d'alcohol

Il dumber da persunas cun in consum excessiv saja era creschì – quai entaifer bun in decenni da 10% sin 17%. Tar il fimar mussa il trend dentant en l’autra direcziun. Tar l’emprima retschertga fimavan anc in quart da las persunas giuvnas – tar la retschertga actuala èn quai  anc var 17%.

audio
Per tadlar: curt e cumpact
ord RTR Audio dals 03.03.2022.
laschar ir. Durada: 1 minuta 14 Secundas.

RTR actualitad 11:30

Artitgels legids il pli savens

Scrollar a sanestra Scrollar a dretga