Siglir tar il cuntegn

Svizra Glacier Express cun lev minus

Il Glacier Express ha gudagnà radund 200'000 francs pli pauc ils emprims 10 mais da l'onn 2015. Il lev deficit da 2% vala per il tschancun Mustér fin Zermatt. Dal schaner fin l'october ha il Glacier Express recaltgà 9,8 milliuns francs.

Logo dal Glacier Express.
Legenda: Dal 2017 fin 2020 duain 55 milliuns francs vegnir investids tranter Fiesch e Zermatt. Keystone

Quai communitgescha la BVZ Holding SA, tar la quala las viafiers da Matterhorn Gotthard e dal Gornergrat tutgan.

Totalmain ha la gruppa BVZ fatg ils emprims 10 mais da l'onn in retgav da 83,5 milliuns francs, 2,9% dapli che l'onn passà. En spezial la viafier dal Gornergrat (+7,4%) ha attribuì al bun resultat, scriva la BVZ Holding.

Il Glacier Express è in product communabel da la viafier Matterhorn Gotthard e da la Viafier retica.

RR novitads 08:00