Siglir tar il cuntegn

Header

cuntegn

Svizra Glaruna investescha en il turissem

La mastralia dal chantun Glaruna ha approvà in credit da 12,5 milliuns francs per las pendicularas dal chantun.

Il chantun Glaruna investescha en il turissem. La mastralia - Landsgemeinde - ha dà glisch verda ad in credit da 12,5 milliuns francs per las pendicularas dal chantun. Cun il credit duain implants vegnir sustegnids ch’èn relevants per il sistem. Concret sa tracti da las pendicularas dad Elm e Braunwald.

Plinavant ha la mastralia decis da sanar e schlargiar il center da sport e manifestaziuns «Linth-Arena». Il chantun contribuescha ina summa da passa 35 milliuns francs a quest project.

Andrea Bettiga nov mastral

Ultra da quai han ils Glarunais elegì il directur da giustia, Andrea Bettiga, sco nov mastral per ils proxims 2 onns. Bettiga succeda a Rolf Widmer.

La mastralia da Glaruna è la radunanza dals abitants cun dretg da vuschar. Ella sa raduna per regla l'emprima dumengia da matg sin il Zaunplatz da Glaruna. Tranter ils giasts da la mastralia è era il cusseglier federal Ignazio Cassis.

RR novitads 14:00++

Artitgels legids il pli savens