Cun passa 500 vuschs avantatg è Markus Heer vegnì elegì. La regenza sa cumpona da nov da dus represchentants da la PLD e mintgamai ina persuna da la PBD, PS E PPS.
La PCD – respectivamain la «Allianza dal center» – n'ha betg pudì defender ses sez dal directur da finanzas partent, Rolf Widmer.
En l'emprim scrutini ha il candidat da la PCD anc fatg dapli vuschs che Markus Heer. A la PS saja dentant gartegià meglier da mobilisar las votantas e votants. La participaziun da votar è levet pli auta che tar l'emprim scrutini – malgrà ch'igl n'ha dà questa dumengia naginas votaziuns federalas.