Siglir tar il cuntegn

Header

L’ovra atomara da Gösgen
Legenda: L’ovra atomara da Gösgen è in dals implants che vegniss distatgà da la rait. Keystone
cuntegn

Svizra Glieud da l’economia èn per sortir da l’energia nucleara

L'iniziativa per bandunar l'energia nucleara survegn ulteriur sustegn. Represchentants da l'economia e da partidas burgaisas han preschentà il venderdi lur arguments per l'iniziativa.

Tenor il comité gidass in gea a l'iniziativa da proveder la Svizra cun energia a moda segira, pajabla ed independenta. Quai grazia a l'energia idraulica che procurass per il provediment era curt suenter sclauder las ovras atomaras. Ed il comité sa basa sin indicaziuns da la societad da rait Swissgrid.

Ils adversaris da l'iniziativa argumenteschan era da vulair segirar il provediment, els èn dentant da l'avis ch'in gea periclitass il provediment d'electricitad da la Svizra.

Vegn l'iniziativa per bandunar l'energia nucleara approvada, ston las ovras atomaras svizras vegnir tschentadas giu ina suenter l'autra. L'iniziativa fatga dals verds va en votaziun ils 27 da november.

RR novitads 12:00

Dapli da Svizraavrir la Landingpage

Nach links scrollen Nach rechts scrollen