Siglir tar il cuntegn
Inhalt

Svizra Glisch verda per sutpassadi a la staziun da Glion

Il parlament da la vischnanca da Glion ha concedì in credit da 920'000 per in sutpassadi da peduns a la staziun da Glion. Quai ha il parlament pudì far en atgna cumpetenza perquai ch'il credit na surpassa betg il milliun. La decisiun è suttamessa al referendum facultativ.

Il sutpassadi collia la staziun da Glion ed il plaz da posta cun las Pendas, il prà tranter la staziun ed il Rain.
Legenda: Il sutpassadi collia la staziun da Glion ed il plaz da posta cun las Pendas, il prà tranter la staziun ed il Rain. MAD

Cun il sutpassadi na ston ins en l’avegnir betg pli traversar ils singuls binaris per vegnir sin ils singuls perruns – uschia per exempel per ir sin il tren vers Mustér. Il sutpassadi collia en pli era la staziun da Glion ed il plaz da posta cun las Pendas, il prà tranter la staziun da la Viafier retica ed il Rain. La parcella sut la staziun è zona da svilup per la citad da Glion.