Siglir tar il cuntegn

Header

cuntegn

Svizra Glista d’abitaziuns secundaras è actualisada

L’uffizi federal per svilup dal territori ha bain stritgà 36 vischnancas da la glista da las vischnancas cun ina cumpart d'abitaziuns secundaras da passa 20%. 8 vischnancas èn dentant vegnidas recepidas da nov sin la glista: tranter auter er Albula/Alvra, Brusio, Tumleastga e Calanca.

I saja sa cumprovà che la cumpart d’abitaziuns secundaras saja pli auts che 20% tar las suandantas 8 vischnancas, scriva l’uffizi federal per svilup dal territori: Quai èn sper las 4 vischnancas grischunas Albula/Alvra (GR), Brusio (GR), Domleschg (GR), Calanca (GR), er las vischnancas da Petit-Val (BE), Curio (TI) Iragna (TI) e Leuk (VS).

Stritgà pervia da fusiuns

Perencunter ha l’uffizi da nov stritgà 36 vischnancas svizras da la glista ch’è suttamessa a l'ordinaziun davart las abitaziuns secundaras. 12 vischnancas han cumprovà che lur cumpart d'abitaziuns secundaras saja sut 20%. Las ulteriuras 24 vischnancas sajan vegnidas stritgadas sin fundament da fusiuns da vischnancas, sco per exempel las vischnancas grischunas Mon, Stierva, Casti, Lavin, Ardez, Susch, Tarasp, Ftan e Sent.

RR novitads 11:00

Artitgels legids il pli savens