En Svizra vegn la glista naira da persunas che na dastgan betg entrar pli e pli lunga. Ils ultims 6 mais ha quai dà 14 scumonds d'entrar en Svizra per represchentants da gruppaziuns extremisticas che vulan derasar lur ideas radicalas en Svizra. Quai è dapli ch'ils 11 mais avant.
Tenor la directura da l'Uffizi federal per polizia fedpol, Nicoletta della Valle, èn quests scumonds ina sfida perquai ch'ins stoppia differenziar tranter censura d'ideas e privel real, uschia Della Valle en in'intervista da la «NZZ am Sonntag». Ella avertescha tranter auter era che las medias socialas sajan actualmain il catalisatur per radicalisar giuvens.
