Quel cudesch dess en emprima lingia sensibilisar ils pli giuvens per noss sistem politic di Othmar Schärer da Laax. Sco commember da la Nova societad helvetica è el in da quels ch'ha inizià il cudesch:
La glieud giuvna duai savair ch'ella po muventar insatge en ina democrazia. Il cudesch duai dar ina basa e mussar co che quai è pussaivel.
Per ir sin ils fastizs da la democrazia sa metta Globi cun la Helvetia sin in viadi d'aventura tras la Svizra.
In viadi da Cassis fin tar Gabriel
Il duo inscuntra per exempel il Cusseglier federal Ignazio Cassis che declera ad co ch’ins vegn Cusseglier federal. Dentant vegn Globi er en contact cun il Rumantsch.
El inscuntra ad Andreas Gabriel da la Lia Rumantscha che declera tge ch'ina minoritad è e pertge e co ch’ins po e sto mantegnair quella. Quai èn mo duas da las aventuras che mainan a Globi tras la Svizra.
Dapli che be in cudesch da pops
I saja in cudesch che possa er vegnir duvrà sco mez d’instrucziun di Othmar Schärer da la Nova societad helvetica. Sin ina moda simpla e chapaivla decleria Globi il sistem da la democrazia en Svizra:
Globi e la gista figura per scolar la basa per noss sistem politic cun quai che el è tier nus ina figura d'identificaziun.
Per il mument datti l’aventura da Globi be per tudestg. Exclus na saja però ch'i dettia il cudesch anc en auters linguatgs. Ina pitschna schanza dettia uschia er per ina versiun rumantscha, di Schärer.
RR actualitad 12:20