Google vul vinavant ad investir en sia sedia a Turitg

L’interpresa d’internet Google na vegn betg a far midadas a Turitg. Il pli grond center da perscrutaziun e da svilup da Google ordaifer ils Stadis Unids duai crescher vinavant.

A Turitg è il pli grond center da perscrutaziun e da svilup da Google ordaifer ils Stadis Unids. Bild in Lightbox öffnen.

Legenda da maletgs: A Turitg è il pli grond center da perscrutaziun e da svilup da Google ordaifer ils Stadis Unids. Keystone

Glindesdi notg era quai vegnì conuschent che l’interpresa d’internet Google s’organiseschia da nov e sa midia per part en ina societad da holding cun il num Alphabet.

Ins veglia investir vinavant ferm a Turitg, ha ditg in pledader da Google sin dumonda da l'agentura da novitads sda.

Actualmain occupescha Google 1’500 persunas da 75 differentas naziuns a Turitg.