La construcziun dal segund tunnel d’autos tras il Gottard vegn in zic pli palpabla per la populaziun. L’Uffizi federal da vias ha avert a las staziuns da Göschenen en il chantun Uri e d'Airolo en il chantun Tessin dus centers d’infurmaziun. Quels duajan adina puspè infurmar a moda cumplessiva davart las lavurs da construcziun planisadas, ha communitgà l’uffizi.
Da vesair datti er guaffens dals miniers e da persunas che bajegian il tunnel. Quels duain er survegnir ina plattafurma. Da questa exposiziun vulan ins er attrair turistas e turists. Las exposiziuns duajan lura adina esser avertas venderdi e sonda.
La populaziun svizra ha ditg Gea ad in segund tunnel dal Gottard, quai il 2016. Las lavurs preparativas han cumenzà la primavaira 2020. Il 2024 vulan ins cumenzar a chavar ed il 2029 duai il tunnel esser perfurà.
Ils dus centers d’infurmaziun duaja dar 10 onns. Sche tut va tenor plan, duajan lura omadus tunnels star a disposiziun al traffic a partir dal 2032.