Siglir tar il cuntegn

Svizra Gottfried Locher è cleramain vegnì reelegì sco president

Gottfried Locher è vegnì reelegì sco president da la Federaziun da las baselgias evangelicas da la Svizra. Cunquai ha Locher fatg la cursa cunter la reverenda da Turitg Rita Famos. Dals 70 delegads an 43 dà lur vusch a Locher e Famos ha survegnì 24 vuschs.

Gottfried Locher durant ina messa a Zug.
Legenda: Gottfried Locher durant ina messa a Zug. Keystone

A Schaffusa an ils delegads da la federaziun confermà ier il teolog bernais per ina terza perioda d'uffizi. Cun questa reelecziun sa decidan ils delegads per cuntinuitad. Locher è gia dapi otg onns president dal las baselgias evangelicas da la Svizra. Per l'emprima giada è el vegnì elegì il zercladur 2010 e ha cumenzà ses uffizi l'entschatta 2011.

Dus candidats fitg variads

Cun quest votum va in'elecziun da cumbat tranter dus candidats fitg opposts a fin. Sche Rita Famos havess fatg la cursa fiss per l'emprima giada ina dunna a la testa da la Federaziun da las baselgias evangelicas. Dentant betg be la schlattaina ha differenzià ils dus candidats. Lur idea tar differents temasè er fitg differenta. La baselgia refurmada è en ina transfurmaziun. Locher po ussa instradar la midada da la nova constituziun.

RR novitads 06:00