video
Disgrazia al Grand Combin en il Vallais
Or da Schweiz aktuell dals 27.05.2022.
laschar ir. Durada: 3 minutas 25 Secundas.
Al massiv dal Grand Combin en il Vallais èn duas persunas mortas perquai che tocs da glatsch èn crudads. I sa tracta d'ina dunna da 40 onns ed in um da 65 onns. Ulteriuras nov persunas sajan vegnidas blessadas e duas persunas evacuadas, sco la la polizia chantunala vallesana communitgescha. Ins saja stà en acziun cun set helicopters.
Ils tocs da glatsch èn crudads sin 3'400 meters sur mar en la vischinanza da «Plateau du Déjeuner», quai è là nua ch'ins va si tar il Grand-Combin via «Voie du Gardien». Cura che la disgrazia è capitada eran 17 persunas en questa regiun. Il piz dal Grand Combin è sin 4'314 meters sur mar, il massiv sa chatta en il sid da Martigny.