Nov da diesch shops dad internet èn creschids durant la pandemia. Quai mussa ina analisa da la Scol'auta turitgaisa per scienzas applitgadas. Per l'entir 2021 saja da quintar cun ina svieuta totala d’almain 15 milliardas francs. Quai è in plus da bunamain 50% cumpareglià cun l'onn 2019.
Dapli e pli savens
La fatschenta prospereschia er vinavant, malgrà che las butias sajan entant puspè avertas. Tenor ils experts na vegn betg mo empustà dapli mabain era en media pli savens sur l'internet. 92% dals vendiders online quintan era suenter la pandemia cun in creschament: 23% dals els cun in ferm e 69% cun in moderà creschament. Dumandà han ins en tut 365 shops online.
Ord l'archiv
audio
Vender e cumprar online a moda segira
ord Co e cum dals 15.09.2020.
Maletg: Keystone
laschar ir. Durada: 2 minutas 48 Secundas.