Legenda:
Il car disgrazià a Turitg è pront per transportar davent.
Keystone
cuntegn
Svizra - Grev accident d’in car, ina persuna mora
La dumengia baud la damaun succeda l’accident sin l'autostrada A3 dasper Turitg. Ina dunna è l'unfrenda dal grev accident, ulteriuras 44 persunas vegnan blessadas. Trais da quellas han grevas blessuras.
Tar in grev accident d'in car sin l'autostrada A3 tar Turitg è la dumengia marvegl ina persuna vegnida per la vita.
Pliras persunas èn blessadas, trais grevamain.
Pertge ch'il car ha cumenzà a glischnar n'è anc betg enconuschent.
Il car era sin viadi da Genua a Düsseldorf, sco la polizia scriva. Daco ch'el ha cumenzà a glischnar ed è charrà en in mir, n'è anc betg enconuschent. Pervi da l'accident resta la via auta da la Sihl tranter Brunau e Wiedikon en omaduas direcziuns per pli ditg serrada.
