Siglir tar il cuntegn

Header

audio
Co è la situaziun actuala pertutgant la grippa d'utschels en Svizra
Or da Actualitad dals 16.12.2023. Maletg: Keystone
laschar ir. Durada: 2 minutas 52 Secundas.
cuntegn

Grippa d'utschels Co vesa la situaziun actuala en Svizra ora?

Fin ussa na datti anc nagin cas actual da la grippa d’utschels en Svizra, e perquai er anc naginas mesiras per possessuras e possessurs da giaglinom.

Pervia da plirs cas da la grippa d’utschels han la Germania e la Frantscha gia relaschà mesiras. En vista a quest svilup ha era la Svizra augmentà il stgalim da privel per questa epidemia d’animals.

Stagiun ha influenza

Il augment actual da cas da la grippa d'utschels en l'Europa ha tenor Giochen Bearth, veterinari chantunal, surtut da far cun la stagiun. A l'entschatta da l'enviern datti gronds moviments tar ils utschels migrants ed uschia po il virus vegnir derasà svelt.

Sch’igl avess da dar er en Svizra in cas da la grippa d’utschels, vegnissan era qua puspè relaschadas mesiras per possessuras e possessurs da giaglinom. Las mesiras fissan lura sumegliantas sco ils ultims onns, pia ch'il giaglinom vegn per exempel mo pli tegnì en stalla per evitar il contact cun utschels selvadis.

Era l’attenziun da persunas privatas è dumandada, sch'ins chatta plirs utschels morts – oravant tut utschels da l'aua – duess ins s'annunziar tar la polizia, l’uffizi veterinar u la surveglianza da chatscha per laschar far ulteriurs scleriments.

RTR actualitad 08:00

Artitgels legids il pli savens