Siglir tar il cuntegn

Header

audio
Giaglinas dastgan puspè ir en il liber
Or da Actualitad dals 27.04.2023. Maletg: RTR
laschar ir. Durada: 3 minutas.
cuntegn

Grippa d'utschels Las giaglinas dastgan puspè ir al liber il matg

Las davosas emnas n'haja betg pli dà cas da grippa d'utschels, perquai scrodan las mesiras cunter la grippa.

L'avrigl ston las giaglinas anc restar sut tetg. Utschels selvadis pudessan dar vinavant ad ellas la grippa d'utschels. Il matg scrodan las mesiras dentant. Vinavant vala l'obligaziun d'annunzia per tegnida da giaglinom.

Nagins cas pli las davosas emnas

L'Uffizi federal da segirezza alimentara e fatgs veterinars ha ditg ch'i n'haja betg pli dà cas las davosas emnas. Ed ils utschels migrants han per gronda part gia cuntanschì lur lieus da stad. Cun quai saja la probabilitad d'infecziuns uss pli pitschna. Ils utschels selvadis possian dentant anc adina purtar il virus cun els.

Vogelgrippefälle Schweiz
Legenda: Uffizi federal da segirezza alimentara e fatgs veterinars

Persunas che tegnan giaglinom duain dentant s'infurmar vinavant sur da la situaziun da malsognas. Sche bleras giaglinas vegnian malsaunas, sto in veterinari u ina veterinaria vegnir infurmada.

Or dal'archiv

video
Grippa d'utschels è era in tema en il Surses
Or da Telesguard dals 08.02.2023.
laschar ir. Durada: 3 minutas 23 Secundas.

RTR novitads 12:00

Artitgels legids il pli savens