Siglir tar il cuntegn

Header

audio
Mezdi: Grippa dad umens – mitus u realitad?
Or da Actualitad dals 27.02.2019.
laschar ir. Durada: 3 minutas 23 Secundas.
cuntegn

Svizra Grippa dad umens – mitus u betg?

Sch'i va per esser malsaun datti blers mitus, teorias e cardientschas blauas. Ina da quellas è la uschenumnada «grippa dad umens». Dentant datti propi quella u è quai tut mo ina sgnocca?

La «grippa dad umens» è in fenomen davart quel che bleras dunnas han pudì rir ina u l'autra giada. Intginas firmas da medicaments fan schizunt reclama cun il fenomen. Datti pia propi quella grippa u è quai tut mo in mitos?

Divers studis conferman la grippa dad umens

Tenor il scienzià canadais Dr.Kyle Sue exista la grippa dad umens. Tar ils umens saja la grippa tenor el pli agressiva che tar las dunnas. Sue ha cumprovà cun ses studi che umens stoppian ir pli savens en l'ospital pervi da la grippa. Ultra da quai dettia era dapli mortoris tar ils umens pervi da la grippa.

Er'il studi dal scienzià Mark Davis da l'universitad Stanford mussa, che la schlattaina ha in'influenza sin la grippa. Tenor el haja quai da far cun l'estrogen che sustegnia il sistem d'immunitad. Percunter na sa il medi chantunal Martin Mani betg dir, sch'i dat propi la grippa dad umens u betg. Dentant ha era el gia constatà ch'ils umens sajan magari pli malidis.

RR actualitad 12:00

Artitgels legids il pli savens