Siglir tar il cuntegn
Inhalt

Svizra Grischun cun nivel bass da paupradad

L'Uffizi federal da statistica ha publitgà il novissim indicatur da paupradad.

Dunna che maglia in ov en paintg.
Legenda: Era en Svizra datti persunas che ston viver cun pauc. Keystone

L’indicatur da paupradad sa basa en emprima lingia sin il dumber da persunas che retiran en in chantun sustegn social. Pli blers che survegnan sustegn e pli aut che l’indicatur è. Quel vegn duvrà per calcular sch'in chantun survegn pervia da la situaziun da la populaziun sustegn finanzial da la Confederaziun.

L'Uffizi federal da statistica ha publitgà il novissim indicatur da paupradad da la Nova gulivaziun da finanzas tranter la Confederaziun ed ils chantuns. Tenor quel è il Grischun sin plazza 21 da 26 chantuns.

A la testa dals chantuns cun in burdi grond èn Basilea-Citad, Genevra e Neuschatel. Ensemen cun nov auters chantuns survegnan els l'auter onn da quai da 360 milliuns francs or da la cassa da la Confederaziun. Da tschai maun dal spectrum, sin las plazzas 26 enfin 24, èn ils chantuns Uri, Sutsilvania ed Appenzell Dadens.

RR novitads 12:00