Per la perioda dal 2016 - 2019 ha il BAFU fatg cunvegnas cun ils chantuns e deliberà per radund 250 programs d'ambient en total 976 milliuns francs. Per l'ultima perioda (2012-2015) era quai 906 milliuns francs. Las cunvegnas pertutgan diversas incumbensas ch'èn en la cumpetenza da confederaziun e dals chantuns. Ils pli blers meds vegnan investids en las spartas guaud da protecziun ed implants da protecziun.
Il mument è il parlament londervi da discutar sur da la midada da la lescha da guaud. Sco il BAFU scriva pudess quai uschia anc dar daners supplementars per ils chantuns.
RR novitads 12:00