Siglir tar il cuntegn

Header

Il bajetg n'ha betg pudì vegnir spindrà.
Legenda: L'anteriura fabrica da quadrels n'ha betg pudì vegnir spindrada. Polizia chantunala da Turitg
cuntegn

Svizra Grond brischament a Winterthur

In grond incendi en in'anteriura fabrica da quadrels a Winterthur questa notg ha chaschunà donns da milliuns. 2 persunas èn vegnidas blessadas levamain.

Malgrà ch'ils pumpiers sajan stads en acziun immediat haja il fieu destruì ina gronda part da l'immobiglia nizzegiada da mastergnants, ha communitgà la polizia chantunala turitgaisa. Il fieu saja rut ora avant las 03:30.

In abitant dal quartier cun brischadas levas ha pudì vegnir tractà ambulantamain. In pumpier è vegnì transportà en l'ospital cun suspect d'ina tissentada da fim.

La situaziun è sut controlla, la lavur da stizzar cuntinuescha dentant anc.
Indicaziuns davart la raschun da l'incendi na datti anc betg.

RR novitads 08:00

Artitgels legids il pli savens

Scrollar a sanestra Scrollar a dretga