Il grond incendi en ina zona d'industria a l’ur da Genevra, è dapi Pasca saira sut controlla. Quai han confermà ils pumpiers da Genevra a l’agentura da novitads Keystone-SDA. Las lavurs da stizzar hajan cuzzà pliras uras. Passa 60 pumpiers sajan stads en acziun per cumbatter las flommas.
Persunas na sajan betg vegnidas blessadas. L’incendi è rut ora dumengia Pasca suentermezdi en in bajetg cun ina halla da raiver, diversas interpresas ed in parcadi.