A Laufen, chantun Basilea Champagna, ardan dapi la notg las 3 plirs magasins. Persunas na sajan betg vegnidas a donn. Il fieu saja spert sa derasà sin plirs bajetgs. Pervi da la structura cumplexa e l'utilisaziun multifara dals magasins saja quai fitg grev da stizzar il fieu. Il fieu a la Wahlenstrasse chaschunia in'odur ferma e malempernaivla, communitgescha la polizia.
La populaziun vegn supplitgada da guntgir il territori a grond spazi. Plirs corps da pumpiers èn en acziun. Il motiv dal fieu n'è anc betg enconuschent.