Siglir tar il cuntegn

Header

Navigaziun

cuntegn

Svizra Gronda fusiun sin il martgà da telecommunicaziun svizzer

Sunrise surpiglia per 6,3 milliardas francs l'interpresa UPC Svizra. Uschia duai la Swisscom survegnir in concurrent pli ferm. Quai communitgescha l'interpresa da telecommunicaziun Sunrise.

Logo da Sunrise dasperas quel da UPC.
Legenda: Gronda fusiun sin il martgà da telecommunicaziun. Keystone

Cun Sunrise ed UPC Svizra vegnan duas interpresas ensemen che sa cumpletteschan detg bain. Uschia ha Sunrise sia fermezza en la telefonia mobila e UPC sco provider d'internet ed en la fatschenta da televisiun. Fin uss era UPC en possess dal gestiunari da raits da cabels brit Liberty global.

La surpigliada è planisada per la segunda mesadad da quest onn. Quella dovra però anc il consentiment da las autoritads da concurrenza. Famas davart la surpigliada datti gia dapi mais. L'entschatta favrer aveva Sunrise lura confermà ch'ins saja en discurs.

RR novitads 06:00