L’iniziativa per in «Gea al scumond da sa velar» avess il mument bunas schanzas a l’urna. Tenor ina retschertga represchentativa sajan 76% dals Svizzers per l’iniziativa. Quai rapportan las gasettas «SonntagsZeitung» e «Le Matin Dimanche».
La retschertga mussa dentant er, che la renconuschientscha da l'Islam ha ina schanza en Svizra. 48% dals dumandads èn per ni plitost per ina renconuschientscha uffiziala da la religiun islamica en Svizra analog a las baselgias. Quai sch'i sa tracta d'in Islam moderà ch'è organisà transparent.
Cussegl federal cunter l'iniziativa
Il Cussegl federal è cunter l’iniziativa per in «Gea al scumond da sa velar» ch’è reussida formalmain l’october passà. L’iniziativa pretenda che nagin na dastgia zuppar la fatscha en il spazi public. Uschia fissi er scumandà da purtar burkas.
RR novitads 10:00