L'iniziativa da tgira ha tratg Svizras e Svizzers a l'urna: Passa 65% èn sa participadas a questa votaziun. Enfin uss han be otg votaziuns federalas carmalà passa 60% da votantas e votants a l'urna. Quai dapi l'introducziun dal dretg da votar da las dunnas.
Pir 24avla iniziativa che reussescha
Che iniziativas han success a l'urna na sa chapescha betg da sasez: L'inziativa da tgira è pir la 24avla da total 223 iniziativas che pievel e chantuns han acceptà. Ed iniziativas sanestras han anc pli grev a l'urna, quai constatescha era l'institut da perscrutaziun gfs.berna.
