E tuttenina èsi passà. Il «out» da la Svizra al campiunadi mundial è IL tema en las gasettas svizras.
Wenn nicht jetzt, wann dann? Wohl nie
Er la gasetta 20 Minuten scriva che l'equipa naziunala haja manchentà ina gronda schanza en l'otgavel final cunter la Svezia. L'equipa restia uschia «ein ungelöstes Versprechen» ed haja er manchentà il «rendez-vous mit der Fussballgeschichte».
Mancanza da voluntad da s'engaschar
Era il Blick vesa nair e sa dumonda «Wenn nicht jetzt, wann dann? Wohl nie» manegia la gasetta da boulevard. Il campiunadi mundial actual saja stà in pass enavos. Il out suenter la prestaziun senza curaschi e la finala senza inspiraziun e senza passiun saja uschia merità.
Sie sind nicht so gut wie sie meinen und sagen
Er la NZZ vesa quai uschia e scriva ch'i haja mancà a la Svizra la resolutezza e l'inspiraziun. Strusch ad in giugader saja gartegià da surpigliar ina rolla da leader e d'entusiasmar ses congiugaders.
La qualitad da l'equipa svizra stat er en il center per il Tages-Anzeiger. Quella na saja betg uschè buna sco quai ch'ils giugaders sez manegian e dian. Sch'els fissan quai, stessan els en il quartfinal. La stettia dentant la Svezia e la naziunala spetgia vinavant sin ina victoria en ina runda da K.O. ad in turnier grond.
RR actualitad 07:00