Siglir tar il cuntegn
Inhalt

Svizra Grondas colonnas davant il Gottard

Per ir cun l’auto dal nord envers il Tessin tras il tunnel dal Gottard dovri blera pazienza. Davant il Gottard stagnescha il traffic fin a 14 kilometers. Ma era sin l’A13 tranter Cuira e Reichenau/La Punt datti il mument colonnas.

Ina autostrada cun la rundella da Cuira sid.
Legenda: La vista acutala sin l'autostrada A13 e la rundella da Cuira sid ord las chasas autas da Cuira vest. Renato Livers

Era la notg da venderdi sin sonda è il traffic al Gottard betg sa reduci propi. Uschia era la colonna la notg da las duas anc adina tar ina lunghezza da sis kilometers, communitgescha Viasuisse. Da las set da la damaun era il temp da spetga per ir en il sid tar duas uras. Uschia è il traffic vegni fermà temporarmain ad Amsteg en il chantun Uri per motivs da segirtad.

Sviament sur l’autostrada A13

Il servetsch da traffic Viasuisse cusseglia da present da sviar sur l’autostrada A13 tras il San Bernardino. Ma er qua ha ì gia colonnas quai tant sin l’autostrada tranter Cuira e Reichenau/La Punt ma er sin la via principala da Cuira en direcziun Cazas.

RR novitads 06:00