Las entradas dals tegnairchasa en Svizra muntavan il 2014 en media a 7176 francs. Il venderdi ha l'uffizi federal da statistica communitgà si'elevaziun dals budgets dal tegnairchasa 2014.
Tenor quella datti grondas differenzas tranter ils differents tegnairchasas en Svizra. Il tschintgavel il pli ritg dals tegnairchasa d'ina persuna ha entradas mensilas da 8487 francs - tar ils 5% ils pli paurs en quai entant mo 1964 francs. Uschia po il 'tschintgavel ritg' spargnar mintga mais 2758 francs, il 'tschintgavel pover' ha il fin dal mais dentant in minus da 736 francs.
Entradas da passa 25'000 francs tar pèrs ritgs
La maioritad da las famiglias svizras pon sa tegnair sur l'aua cun lur entradas e pon anc spargnar in pau. Però er tar las entradas da las familias datti grondas differenzas; in pèr ritg cun 1,9 uffants ha ina entrada brutta da 25'527 francs e po spargnar 6400 francs.
In pèr ritg cun 1,82 uffants ha dentant in'entrada brutta da 6525 francs - ed ha mintga mais in minus da 559 francs.
L'elevaziun mussa er che 7,9% dals uffants en Svizra vivan en in tegnairchasa nua ch’ils daners èn a fin avant la fin dal mais. Ils budgets da las famiglias povras vegnian surstrapatschads entras las premias da las cassas da malsauns, custs per abitar, stgaudar e l'electricitad.
Ils Turitgais èn ils pli ritgs
La regiun la pli ritga è Turitg cun entradas medias da 10'785 francs. La regiun la pli povra è il Tessin cun entradas da 8768 francs il mais.
RR novitads 18:00