Siglir tar il cuntegn

Header

video
Il Tessin en in vestgi alv
Or da News-Clip dals 05.12.2020.
laschar ir
cuntegn

Grondas naiveras Blera naiv en il Tessin chaschuna impediments da traffic

Il traffic da tren ha gì da cumbatter la sonda a bun'ura cun gronds impediments ed er las vias cuvridas cun naiv han chaschunà impediments.

Pervi da blera naiv hai la sonda a bun'ura dà impediments sin pliras lingias da tren en il Tessin, uschia sin la lingia tranter Airolo e Locarno sco er tranter Bellinzona e Chiasso. Pertutgada da retards e trens che scrodan è dentant er la lingia tranter Brig e Domodossola.

Fertant che la situaziun è sa calmada la sonda avantmezdi, spetgan ils meteorologs per il suentermezdi puspè naiv gronda.

Ma er sin las vias ha la blera naiv procurà per impediments. Uschia è la A2 en il Tessin tenor Viasuisse e TCS serrada dapli il venderdi suentermezdi en omaduas direcziuns per camiuns. Er pliras vias principalas en il Tessin han stuì vegnir serradas. Per part èn vias er stadas interruttas pervi da plantas derschidas e pitschnas bovas. Ed a Lugano hai per part dà in obligatori da chadainas.

video
Blera naiv chaschuna impediments da traffic en il Tessin
Or da News-Clip dals 04.12.2020.
laschar ir

Artitgels legids il pli savens

Scrollar a sanestra Scrollar a dretga