En Svizra duain grondas ovras idraulicas survegnir subvenziuns. Suenter il Cussegl dals chantuns è ussa era la Cumissiun dal Cussegl naziunal s'exprimida per quest'idea. Cuntrari al Cussegl dals chantuns na vul ella però mo sustegnair ovras en difficultads finanzialas.
Cun l'agid finanzial per las ovras idraulicas reagescha la politica svizra sin ils pretschs bass al martgà europeic da forza electrica. Ch’ils pretschs èn uschè bass, è d’attribuir tranter auter a la ferma promoziun da l'energia regenerabla en la Germania ed ils pretschs bass per ieli, gas e charvun.
