La Confederaziun ha instradà ina task force perquai ch’i pudess dar memia paucs medicaments per pazients da corona. La Confederaziun tschertgia ils medicaments necessaris sin basa globala e cumpria quels sin il martgà internaziunal. Quai ha ditg ina pledadra da l'Uffizi federal da sanadad sin dumonda da l'agentura da novitads Keystone-SDA.
La Confederaziun haja plinavant stgaffì ina gruppa da lavur che saja responsabla per registrar, valitar e reparter ils products che pudessan probabel mancar. In problem saja ch'ils medicaments na manchian betg mo en Svizra, mabain en l'entir mund.